顏色的顏重返勝途

練馬師冠軍爭奪戰形勢緊湊。馮耀正現領先林宏基一W，今仗兩廄出馬相若，實力旗鼓相當，為爭冠軍料拼盡方休。另一倉口摩利高廄擺強陣，全晚五駒出戰宜另眼相看。

摩利高今季同老竇摩加利孖倉，父子同心協力創佳續。摩利加乃名牌練者，在港澳馬圈具叫座力。今季東山復出獲馬主支持，倉口戰駒已增至二十一匹。聞稍後續有新馬加盟，下季摩家軍絕對有實力同各廄爭一日之長短。今晚五駒列陣不乏牌面馬，看來會開殺戒，臨場可留意。

第一場：五班一五一○米。“俊星威威”沙地同程拿手好戲，走勢有前有後，跟得鬥得。近期連敗多場已回氣，今仗吼準路程始出擊。用牌仔特蘇日主轡有減十磅優惠，落班遇弱旅形勢有利，倘騎者發揮得宜，有權一網打盡。

第二場：四班一三五○米。“科高騷”十歲老馬無復當年勇，自去年一月贏完已連敗十一仗，評分減至新低，計班底此組無一能及。此駒轉投摩廄後重新操練，論馬狀態有起色。今次居四班負輕磅有利，用劉永康主轡必具鬥志，欣逢路合對手無多，有力谷底反彈。

第四場：四班一三五○米。“顏色的顏”今季同程開齋，可見跑沙地特佳。上仗草地無功而回，敗後匆匆再來，重返勝途已有搏殺手影。此質新馬實力未見底，演出不斷進步，今仗普健士執韁配搭堅強。遇同組對手弱旅居多，憑騎者功架可替此駒重溫贏馬夢。