兩個夠晒數再生驚破產

陳柏宇出埠工作撇甩妻女

昨日，陳柏宇、林敏驄、陳百祥（叻哥）、黃杏秀、 張頴康、鄧梓峰、蘇志威、黑妹（李麗霞）及李思雅等，到清水灣鄉村俱樂部出席大型籌款活動“仁愛堂慈善高爾夫球賽2023”。陳柏宇提到出世兩個月的細女Audrey，便滔滔不絕，大讚細女多表情又愛笑，好得意。 可會再生小朋友 ？他笑說兩個夠晒數：“唔生喇，三個搞唔掂 ，生多個會破產。＂

陳柏宇透露最近為大女兒報讀國際學校成功，他開心說：“ 我哋只係搵咗一間學校就入咗， 一擊即中，亦為孩子辦理旅行證件，暑假會一家四口返加拿大探親，四代同堂聚會。”稍後他會去匈牙利工作，下個月又到英國開騷，但不打算帶妻女同行，因為他會周圍走，怕他們會辛苦之餘， 自己亦冇時間休息。

陳柏宇說近幾年因為疫情及要照顧女兒而少了打高爾夫球，笑言難得今次有免費高球打， 打完高球便要去接四歲多的大女Abigail放學。他又說：“雖然大女都好錫妹妹，但始終多了一個新成員，都會扭吓計吸引別人注意。我承認偏心大女，因為同細女交流有限，等Audrey長大少少，可能會平衡返啲。”

早前林敏驄的演唱會反應好好，他透露正接洽外地巡演，同時又在籌拍自導自演的電影，但未有計劃再為線劇拍劇。他說：“曾志偉（無線總經理）神龍見首不見尾，上次佢搵我拍劇的牙骹戰都未找數，做咗高層點會咁易除衫。”

林敏驄自言已有六年沒有打高球，雖然從來不練波，但仍會贏未輸過，皆因波底夠厚。說到他可與同樣愛認叻的叻哥鬥波，阿驄笑說：“冇鬥過，佢係前輩，高好多，同秀姑打我有把握啲。”