廚房談情的代溝

共一百五十歲一對男女，各持菜刀談情話。鼎爺問情場勝利者：拍拖多久才可以拖手仔？“好耐㗎！”肥媽回答，“唔可以一拍拖就拖手……。”

上世紀的人，大都“情味相投”……拍拖一年，“我想親嘴”鼎爺初戀畢生難忘，“必須先徵求女仔同意”，“呢度冇乜人，錫吓你，得唔得呀？”旁邊的“游游”游嘉欣彈起，插嘴——“我覺得，第一次的時間，一定唔可以短……。”

“甚麼第一次時間不可以短？”鼎爺聽到眼都凸……，肥媽笑語解圍，“游游係話，拍拖時間不能短，係嗎？”游游立即醒悟，原來，拍拖有兩秘笈——“女人要識得發姣，唔發姣就沒有男朋友；第二，要多嘗試；失敗，毋須驚慌失措，最緊要定，繼續努力搵到一個啱你的。”

熱廚房，表演烹飪，亦大講人生情味。游游卻是“箇中低手”，遇兩位前輩——鼎爺直指嘉欣的問題令他O嘴及啼笑皆非，竟將高峰説成高潮。肥媽與年輕人很合得來，笑言“他們不是‘無知’，而是‘唔知’，不過，不過，跟年輕人合作，亦學到很多……。”可有因此大駡嘉欣？“冇鬧！”鼎爺護航，“因為，佢哋眞係唔識，唔係扮嘢。但係，佢哋不斷打爛沙盤璺到(尸+豕)，有時眞係畀佢激死。”肥媽笑指，因為“有游嘉欣這個不明朗因素，才會好睇。”

肥媽有死穴，節目中不敢講老公，一講就會忍不住……。鼎爺的死穴是：一提到媽媽就會流出英雄淚。肥媽失驚無神，大爆鼎爺是個醋味甚濃的情種。鼎爺當年，“見到前妻施明，被男星攬腰跳舞，都會嬲到手震。”

鼎爺談施明現況，亦瞭如指掌——她！入院接受開腦手術後，精神狀況一日比一日好。“細仔李泳豪拍完《愛 · 回家》即去探病。大仔又係。起碼知道兩個仔都有孝心；施明情緒好多了，多謝醫護人員。（幾時出院？）未知……。”鼎爺關切施明病況，更喜兩子的孝心，家家有本難念的經，曾出現風波的家庭，又回復溫暖如初了。

老人越老，越多情話：親情！肥媽表示，孫兒於七月返港陪她，自己八月到美國開工，請不要問幾時退休。

高 梁