游嘉欣：女人唔識姣冇男朋友

Maria Cordero（肥媽）、李家鼎（鼎爺）在前晚播出的《肥媽李鼎》中，為配合主題“愛情來的時候”，二人分享戀愛史，游嘉欣（游游）學識溝仔要發姣。鼎爺問肥媽拍拖多久才可以拖手仔，肥媽坦言：“好耐口架，唔可以話一拍拖就拖手。”鼎爺則坦言需要一年，並指想錫錫都要問過先，例如：“呢度冇乜人，錫吓你得唔得呀？”講嘢一舊舊的游游再發表驚人言論，她說：“我覺得第一次時間一定唔可以短。”阿爺聽到眼都凸埋：“咩時間短先？”肥媽見狀即笑着解圍：“死喇，游游答問題都可以有問題，你答拍拖時間唔可以短吖嘛！”

身為“A0女神”的游游歸納出“出Pool秘笈”說：“今集學識兩樣嘢，女人要識發姣，唔發姣就冇男朋友，第二就係要多嘗試，失敗都唔好驚，最緊要試到一個啱。”此外，昨晚播出的一集主題是“化腐朽為神奇”，肥媽分享登台的“執生”經驗，指做人最緊要識執生，有次登台因踩到一地玻璃樽碎片撻低，即刻擺甫士繼續唱，成功看似是刻意安排的環節。鼎爺更即場大開金口唱《禪院鐘聲》。游游指現在有不少加工俊男美女，問肥媽心目中娛樂圈三甲靚女誰屬，肥媽回答林鳳、樂蒂和林翠。