角色遇心寒變態佬

衛詩雅如願演驚慄片

由衛詩雅、林嘉欣、劉俊謙、蔡思韵、黃又南、朱栢康、朱鑑然、胡子彤主演，莊澄、鄧漢強監製，三位香港新導演《樹大招風》金像導演許學文、陳翊恆、黃千殷分別執導的新片《失衡凶間之罪與殺》，將於本月廿五日上映，早前已獲得“第廿六屆富川國際奇幻電影節”及“第七屆倫敦東亞電影節”兩大國際影展邀請參展，令電影更添話題。”

外表嬌的的又經常拍愛情片的衛詩雅(Michelle)，原來是驚慄片忠粉，她揚言終於等到機會接拍驚慄片，所以對新片上映超期待又興奮。她說：“我接到呢部戲時，睇到劇本好興奮。本身好鍾意驚慄戲，造型越恐怖越鍾意。今次喺《頭髮》故事裡面我係一個女團出道後，撈極都撈唔紅嘅明星仔，唯一自豪就係把頭髮，但亦因為把頭髮太靚，吸引咗呢個變態佬（黃又南）垂青。”。

Michelle說：“我會形容頭髮重要過皮膚，呢個角色同我好近，係藝人，又係入咗行好多年，目標未必做到，前設已經幫咗我好多。導演好聰明，搵到一個點令人覺得又南冇乜攻擊性，其實係更加令人心寒。”另一位女演員張凱娸（娸娸），戲中角色與衛詩雅截然不同，外表是個壞女孩，內裏卻不及衛詩雅剛烈。娸娸說：“戲中我飾演一名Wet妹，主要同又南做對手戲。雖然我同衛詩雅冇同場，但係我哋兩個女仔嘅外形同性格形成強烈對比，不過同樣因為擁有一把好靚嘅頭髮，同樣畀又南睇中。”

又南為演好角色，刻意留鬚和長髮。他說：“戲中因為我同人溝通唔到，所以戀上咗頭髮，覺得頭髮先係我朋友，我會不擇手段，希望擁有唔同嘅頭髮。頭髮同我個角色嘅關係，入面有愛，亦有安全感。更加可以同佢交到心，得我哋之間感覺到嘅嘢。”