昨日賽事總投注近二百三十萬

林宏基余健雄起孖

昨天草沙混戰順利完結。是仗雖出馬少戲碼稍弱，加上天昏地暗，但投注額為三四兩個月新高，五場共收二百二十八萬八千元。

頭場四五班七駒跑千八米，余健雄騎麟廄“合金孖寶”以較佳留放挫敵。此雙人馬上次同程搏殺跑第三未竟全功，今次唞過再跑千八米。騎者出閘把握先機，三扒兩撥守住二三位，待至末彎發力衝刺，甩開對手直奔終點。“合金孖寶”質新進步，馬匹開竅後愈跑愈好。此駒跑中長途夠氣量，日后再戰千八米仍難輕視。余健雄、何華麟攜手拔頭籌。

第二場黃世浩爆冷贏全廄“金槍威”。此雙人馬上次沙地一五一○米，力拼第三未贏馬。今次原裝配搭轉戰草地千八米表現又不同，出閘快步跟前，沿途且戰且走，入直路全力衝剌，埋門一步撼低余健雄“頂峰梟雄”，打破騎者起孖美夢，爆十三倍冷W。“金槍威”連季夥拍黃世浩取得不俗戰功，今次贏馬替謝貴全廄打破連月來守齋悶局。

第三場普健士贏基廄“艷姿媚”。此駒上次轉倉初出，交約尼斯主轡后上跑第二。拼後小休再下打磨功夫，今次改配普健士搏殺。騎者出閘留住跑，沿途小心翼翼，入直路發力衝剌，埋門將對手一網成擒，替馬匹取得轉倉後首捷。林宏基接手“艷姿媚”贏馬交代，普健士應記一功。

第四場林宏基廄起孖寶。旗下“維港智慧”由約尼斯主轡出閘快放，一口氣直帶到尾，贏來兵不血刃。此駒轉投基廄後已連番贏馬交到功課，上次用張志立跑一三五○米只得第三。今仗回師首本路程，約尼斯交出水準替馬房建功。基廄是日喜添兩W排名升上榜首。

尾場余健雄喜中孖寶。此子騎譚文就廄“玫瑰勇士”，以強勁衝剌後上取勝。此駒上次搏殺得第三未能贏馬，今次走馬換將改配余健雄再拼，騎者交出水準替此駒取得遲來的頭馬。譚廄食尾餬，余健雄起孖。