陳展鵬十年來首演奸角

無線劇《隱形戰隊》自播映以來反應理想，劇集由陳展鵬、馬國明、陳山聰、劉佩玥(Moon)及江美儀主演。昨日，一眾演員到荃灣出席宣傳活動，即場公佈劇集第十一、十二集的“七天跨平台總收視”有26.9點、“觀眾人數”有一百七十五萬及“二〇二三年兩線劇集單集收視冠軍”。

展鵬在昨日以終極Big Boss身份亮相，之前連劇集宣傳海報上都不見他的相片，原來是有部署，不會太快穿橋。展鵬說:“成十年冇演奸角，呢個角色覺得好有新鮮感，我鍾意演反派，出嚟有唔同效果，以前角色都係亦正亦邪，或者演完卧底又卧底，今次完完全全一個奸角，覺得好好玩。”

馬明則大讚展鵬每次演出都帶給他驚喜：“佢每一場出嚟個張力都好強，其實劇本寫到主角幾勁都好，都要有好強勁的對手做Big Boss，如果分量唔夠，點帶起到班主角嘅勁。”展鵬就讚馬明開槍唔眨眼，兩人都表示好期待有一套劇正式合作。