兩個夠晒數

楊思琦否認懷第三胎

前晚，《慧妍雅集四十一周年慈善晚會2023》在尖沙咀某酒店舉行，朱玲玲、劉倩婷、曹敏莉、黃嘉雯、楊思琦、關楓馨、王愛倫、陳法蓉、鄭文雅、向海嵐、翁嘉穗、梁麗翹等歷屆港姐齊齊出席。黃嘉雯、關楓馨、楊思琦、梁麗翹等以性感裝扮亮相，成功搶鏡。

最近較少在香港公開露面的楊思琦穿上性感低胸晚裝現身，身材弗爆。早前曾傳出她已懷上了第三胎的傳聞，前晚問她可有其事時，她笑言：“唔知點解有呢啲報道，真係好搞笑，搞到有人恭喜我有三個仔女，但我數來數去都係得兩個。可能係我曾曬出一段着娃娃裝的短片，有人睇到我有個肚腩仔，就以為我有第三胎。（會否再生第三胎？）唔好嚇我啦，我年紀都漸大，而且我已有一對仔女，湊埋一個好字，兩個夠晒數啦。”

思琦又透露之前在內地工作

一段長日子，主要是因為當時仍處疫情期，來回都要隔離，所以沒有返港。她表示：“我當時除了工作辛苦之外，仲有思鄉病，好掛住一對仔女，每晚都會用視像教他們做功課。十一歲的大女喊住問我幾時返屋企，三歲的弟弟亦話好掛住媽咪。（是否已搵夠買樓？）仲未夠呢！”

談到她的前度男友李泳豪早前結婚，思琦表示：“因為內地網站好少報道，所以我唔知道。（可知泳豪的媽媽施明之前身體有事？）希望她快啲冇事啦，一切順利，健康。”

黃嘉雯及關楓馨前晚打扮得十分性感，她們受訪時表示有做足安全措施的。黃嘉雯表示：“我覺得呢條裙好靚，也是最後一分鐘才借到來着，全都係自己貪靚。其實我近來都瘦了，比當年選港姐時輕了五公斤。”關楓馨則笑言：“我早前去台灣旅行，放縱之下吃了不少當地美食，肥了回來，為了出席今晚這個活動，我返港後都有勤做運動喼弗。（與男友一齊遊台灣？）我只係與一班好朋友同行。”