鑽飾江河賽日可捧

上周六何華麟起兵搏殺，憑“大師兄”勝出頭馬，此外“騎練組合”跑入連贏，馬房取得一冠一亞，雖未起孖亦有斬獲。“大師兄”用牌仔劉傲減磅出擊，憑快放勇挫“肯定贏”，人馬表現悅目。此駒質素尚新，實力未用盡，季內料還有一至兩場頭馬交出。“騎練組合”用高君濤有心搏殺，惜被“鯊魚仔”偷襲，跑第二名亦無話可說。“騎練組合”表現轉好，走勢日益進步，跑完上場狀態會更進一步，下次再來有權補中。何華麟現累計十二場頭馬，龍虎榜排名第六。此子騎師出身，開倉兩季成績愈來愈好。今季更積極進取，旗下出得賽者可拼則拼，馬房保持好鬥志。麟廄現有十七駒，兵源比上不足，比下有餘。“安達獵隊”迄今三冠三亞一季，屬招牌馬。練者季內接收了輝廄五匹散倉馬，“汪臣”、“保臣”、“多臣”、“輝煌昇”及“鑽飾江河”。當中“多臣”已取兩捷，其餘未贏馬，最叻跑過二三名，練者極欲替這批轉倉馬爭取出頭。

周六草戰又來，麟廄“保臣”及“鑽飾江河”同遞戰表，不妨留意。“鑽飾江河”跑二三班千二米，上次同程拼得第二，敗於摩廄“赤飛龍”蹄下，敗不為辱。此駒擅跑同程，前速夠快，能跟可鬥，屬千二米專家，連季在高君濤及黃世浩胯下贏過頭馬，兩人均是老搭檔。上仗拼後重新操磨，昨朝快試走來饒有火氣，論馬狀態比上次更佳。今番吼準途程出擊，練者要替牠贏馬。聞“鑽飾江河”會交黃世浩主轡，取其駕輕就熟，賽日此路人馬可捧一票。