黃劍文演微電影獲獎

第十街微電影“創+家”支援計劃（音樂篇），日前已經順利完成頒獎禮。三年後首次舉行實體頒獎禮，黃劍文憑微電影《12.31.23.59》榮獲微電影“創+作”支援計劃（音樂篇）最佳微電影男主角獎（初創企業組）銀獎。當日出席頒獎禮的黃劍文相當興奮，除了奪獎外更可親身與業界見面，盼娛樂圈慢慢回復正常。

黃劍文首奪電影獎項，自爆得獎時緊張到“發台瘟”：“從來都沒有想過自己能夠攞獎，平時唱大騷都不會緊張，得獎時竟然第一次發台瘟，上到台真係緊張到唔識講嘢，好多合作團隊單位都忘記講多謝，我自首請大家食飯補數和慶功！”

首奪演員獎項令劍文有信心向演藝發展，更即時與外公外婆分享喜訊：“因為外公年紀大，有時唔記得我，但係我好想攞呢個獎返去同外公分享，話畀佢聽我一直都好努力冇失禮佢。當晚完咗頒獎禮，之後趕住錄音錄到凌晨時分，同經理人去咗飲早茶、食咗鳳爪排骨飯當慶祝。我係唔會放棄音樂，但如果有合適嘅角色，可以搵我試吓，我都想雙線發展。”