劉佩玥分享保養美腿心得

無線新劇《隱形戰隊》官方釋出的預告片及宣傳照中，劉佩玥 (Moon)再度大曬逆天長腿，加上角色性格討好，劇集熱播後令她成功入屋。

問到阿Moon長腿成為劇集亮點的心情，她開心地感謝大家喜歡，還大方分享保養美腿兩大心得，就是適當運動及飲水：“其實我細個唔係好高，記得我低年班時都係排前面嗰幾個，直至去到大約中四，先至突然開始長高，我諗都關我鍾意運動事。因為以前有打排球，我又好鍾意跑步，所以覺得做運動同成日飲水都會令到腳形靚啲。”

阿Moon補充指出，多散步亦對保持靚腳形有幫助：“我食完飯之後都會去行吓，就算依家揸車，都會抽時間去公園行，所以我覺得適量同適當嘅運動，都會對身形有幫助。（為何經常拍外景都能保持白滑皮膚？）我除了要做好防曬，注意飲食亦很重要，唔好成日食啲好濃味嘅食物，味精唔好食咁多，同埋最緊要保持身心開朗，飲多啲水就OK。”