王浩信棚架打鬥高難度

新劇《廉政狙擊》前晚播出的棚架追逐戰，由演高級督察韋Sir的王浩信、及首個單元個案大反派的江榮暉親身上陣。二人先從單位內相繼飛躍出窗口，再在狹窄的棚架中穿梭、追逐及埋身肉搏，其間還要在下塌的棚架中扭打兼大聲講對白，是體力、演技及記性三重考驗。王浩信受訪說，正式埋位前劇組為演員講解走位及注意事項，他全程除了用心聆聽，又與武指鑽研好每個動作，正式拍攝期間亦兼顧拍檔江榮暉的安全，相當專業。

花絮所見，王浩信體能亦相當弗，除了擒高爬低冇難度，手上的麒麟臂更是相當吸睛。浩信受訪時透露，剪出來只有約半分鐘的場口，原來足足拍了一整天：“由朝頭早拍到夜晚收太陽之前，最難忘係我哋封咗成條街去做呢件事，無論資源同街坊都配合得好好，最後冧棚嘅效果都要多謝動作指導，設計得非常之好。”

要在如此狹窄的空間追逐及打鬥，浩信坦言有難度：“但我又覺得要畀驚喜觀眾，梗係要向高難度挑戰啦，其實我自己幾鍾意拍動作戲，所以呢場戲我拍得好開心。”