愛國抗爭毋畏懼

“為一套戲封晒成條街，見過未？”戲院老叔父講古。封街拍戲有之，上畫也要封，聞所未聞。何戲如斯旺場，竟要封街？

上世紀五十年代，新中國建國之初，本地一家戲院上映國產故事片《團結起來到明天》，述及解放前國人反迫害、求解放。

本係國人之議，干卿底事？葡人政府竟大動肝火，戲院剛開映，衝鋒車已到，圍封戲院唔夠，索性封晒成條鏡湖馬路，如臨大敵。軍警荷槍入院，衝入放映機房，槍指職工頭，迫令停映。

經理交涉，據理力爭：“點解唔畀映？”警曰：“你坦克車轆我盟友枝旗……仲有，話我盟友開機關槍亂殺人，豈有此理！”當年其盟友實已縮居寶島一隅，葡政府竟還如芒在背。

事件傳出，社會轟動，群情汹湧。礙於公眾壓力，加之戲院職工頑強抗爭，葡人政府終不敢造次。

叔父慨嘆：當年愛國，殊不易也！

西門公子