昨日賽事總投注逾二百四十五萬

五練五騎平分頭馬

昨天草沙混合賽順利完成。是仗新正頭假期且戲碼不弱，五場總投注額共收二百四十五萬五千元。

頭場四五班混戰爆冷揭開戰幔。梁國浩廄“創投精英”由梁曉傳押陣，以較佳留放後上險勝。此雙人馬上次力拼第三，拼後小休原程再戰。梁曉傳今次出閘跟前守好位，沿途亦步亦趨，入直路展強勁衝剌，埋門要同冷馬“如詩如畫”影相分先後，結果以短頭位挫敗對手，爆十二倍冷W。是場連贏位派逾千四元，買中者和味。浩廄兔年開勝門，梁曉傳喜添一W。

第二場何華麟廄兔年開餬，旗下“金星之星”由高君濤主轡，以大熱姿態取勝。此駒上季贏完同程後再無頭馬進帳，連場敗北評分驟減。今次新年次仗配強出擊，交由高君濤搏殺，出閘順利跟住尾三位置，入直路如飛殺上，埋門輕鬆挫敵，贏來生氣重現。“金星之星”千二米拿手好戲，下次加分再來仍未可輕視。高君濤、何華麟攜手添進帳。

第三場張志立策基廄“冬甩仔”大熱取勝。此雙人馬連季八戰取七勝一位，戰績彪炳。上次贏完小休再來，今次仍被人追捧成大熱，出閘順利搶前守第三位，轉彎入直路撒開大步逢馬過馬，埋門甩開對手悉先衝缐。“冬甩仔”新年開勝門，服役至今九戰取八捷，堪稱短途沙地王。張志立、林宏基齊添頭馬。

第四場田中正一爆冷贏俊廄“順天應時”。此雙人馬上次短途敗後重新部署，今次原配增程再戰。騎者出閘搶放在前，沿途且戰且走，入直路發力甩開對手先拔頭籌，跑完獨贏有十一倍分頭不俗。陳俊輝兔年開餬，田中正一應記一功。

尾場中野省吾贏譚廄“大玩意”。此駒上次用牌仔主轡，出戰千八米跑第五。敗後轉沙地再來，今次改配中野省吾執鞭發揮又不同。騎者三扒兩撥透出領放，一氣呵成帶返，贏至對手無力招架，跑完獨贏逾八倍分頭不俗。中野省吾、譚文就攜手食尾餬。