陳慧琳車禍後留疤未消腫

去年十二月，陳慧琳與長子劉昇乘坐司機駕駛的座駕離開寓所落斜時，在嘉道理道與對面線的私家車迎頭相撞，車頭損毀。Kelly臉部及手部有少許擦傷、腳部撞瘀；劉昇的臉也有少許瘀傷。

昨日，陳慧琳在社交網站曬相及留言分享近況：“車禍後第一個Photo Shoot，塊面未完全消腫，仲有啲(扌+拿)。我知道需要時間康復，但係時間唔等人，而這個工作亦是撞車之前已經接咗，冇辦法唯有抱住樂觀嘅心態迎接工作。懷着戰戰兢兢嘅心情，一入門口就見到王丹妮喺度影緊相，成個團隊同我打招呼，Hello……心諗佢哋好似見唔到我撻疤喎……Yes，過咗第一關。接着Chopard同事攞出一盤盤剛到港嘅珠寶，WOW，極速唔記得咗自己仲有傷。唔知係唔係兔年行好運嘅關係，竟然鏡頭出嚟好靚喎，遇上好嘅攝影師、好嘅燈光、好嘅場地，極速超額完成！最後祝大家兔年吉星拱照，最緊要出入平安！”