演混血兒奉旨亂噏

鄭俊弘學啪骨有料到

由黎耀祥、龔慈恩、鄭俊弘、蔣祖曼、朱晨麗、朱敏瀚、鄭子誠、歐瑞偉、韋家雄、寶珮如、王綺琴及楊卓娜等演出的《輕 · 功》，近日的一集劇情講到元植（鄭俊弘Fred）為拜十一（黎耀祥）為師，花盡身上所有積蓄，最後十一終被其真誠打動，決定收他為徒。

劇情講元植經常登堂入室，令到翊風（朱敏瀚）甚是不滿，醋意頻生的翊風一度懷疑元植是十一私生子，遂偷偷拿取兩人DNA做親子鑑定，結果得出兩人是親子關係的概率達99.9996%，事情發展耐人尋味。Fred飾演的中韓混血兒元植，性格戇直開朗加上半桶水廣東話，經常鬧出不少笑話，深得觀眾喜愛。

受訪時Fred直言，元植這個角色很好玩：“成日講錯嘢，九唔搭八咁，所以喺現場亂噏都得，唔使點記對白。元植比較天真同活潑，所以我演呢個角色時都覺得自己後生咗、開朗咗。同埋個角色都係好鍾意打功夫，又會唱吓歌彈吓結他，同我有啲相似，好似一個傻版嘅我！”

劇中元植是一位治療師，有不少啪骨戲份，為求效果逼真，Fred拍攝前專誠跟師傅學習。記者當日直擊Fred其中一場啪骨場口，見他認真聆聽師傅講解，親自落場時亦好快上手，表現專業。Fred受訪時透露啪骨一點都不簡單：“要摸啱啲位去啪，真係要用好多年時間去訓練。我拍攝時都只係做啲動作，但我都真係學到一兩招啪到嘅，朱仔（朱敏瀚）日日開工前都叫我幫佢啪。”

與視帝祥哥有不少對手戲，Fred直言學到好多嘢：“拍攝遇到咩問題都會問阿爹（劇中對祥哥的稱呼），同埋會一直觀察佢做戲，睇佢點樣排戲、理解劇本，就算大家排好戲，佢都會繼續自己喺度排戲練對白，我都偷咗佢呢招。”