新劇再演人母

李佳芯唔慣有十七歲仔

新劇集《有種好男人》將於本月廿六日起播出，演員陣容包括馬德鐘、李佳芯、吳偉豪、陳自瑤、徐榮、曹永廉、趙希洛、楊卓娜、胡諾言及張國強等。繼二○二○年在《同謀》中演女強人媽媽後，李佳芯(Ali)於新劇第四度挑戰人母角色，並跟馬德鐘於一八年《跳躍生命線》後再續情緣。Ali今次飾演一個育有十七歲兒子的女神級單親媽咪，難度不小。

劇中李佳芯與兒子苗成林（吳偉豪飾）感情深厚，相處感覺猶如“前世情人” 。苗成林不但口甜舌滑，更Sweet稱媽咪為“游游” ，惟兩母子的背景卻撲朔迷離。日前，官方先後於社交網釋出三條預告片，劇情講述跟“釣金龜課程”人生教練岑曉婷（莊鍶敏飾）成為閨密的Ali頻繁進出上流社交圈，繼而接近城中富豪蔣定天（張國強飾）並取得信任，可惜令蔣定天的貼身保鑣楊日正（馬德鐘飾）起疑心。然而醉翁之意不在“蔣”，原來Ali的終極目標是日正。

談到首次演繹十七歲兒子之母，Ali受訪時表示困難在於要幻想養育了一個兒子十七年的感覺：“對我嚟講呢件係好遙遠嘅事，初頭係需要啲時間去攞呢種感覺，同埋唔可以好似之前咁同啲小朋友一齊嘻嘻哈哈，要用另一種相處方式。”幸好她與吳偉豪一拍即合，戲外戲內均似姊弟般相處，慢慢拍出默契來，Ali還大讚對方投入認真。提到劇中造型充滿“仙氣”、在職場上也很有自己一套，將來可想做個內外兼備的職場媽媽？Ali說：“相信每個人喺唔同階段都希望Keep到最有光芒，我自己係一個停唔到落嚟嘅人，就算將來有家庭、生小朋友，我唔一定會工作，但一定會做自己想做嘅嘢。”她並盼於演戲以外作多方面發展：“可以同時兼顧到幾樣嘢，咁個人先充實同圓滿少少。”

現年廿四歲的偉豪要扮演十七歲學生，他笑稱最大挑戰是自己“外貌太成熟”，惟有靠服裝及髮型搭夠。有別劇集《回歸》中的西裝眼鏡行政總裁Look，是次他換上Casual衛衣、配戴耳環及以一頭攣毛示人。問可有信心憑“弟弟Look”再勁吸姐姐粉？他笑道：“我Prefer《回歸》造型多啲，因為今次個攣毛係夾髮片同搽Mousse整出嚟，個髮片夾喺頭殼頂好辛苦，我驚會令髮線後移。”談到跟Ali拍攝的第一場戲便要喊，當時只拍過《愛.回家之開心速遞》的他坦言既緊張又大壓力，幸有Ali照顧，愈拍愈開心。