湯怡分享湊女苦與樂

昨日，湯怡為“親子Catwalk Show”擔任活動星級評判，從九對親子模特兒中選出最佳模特兒。

已為人母的湯怡，昨日在現場與一眾媽咪觀眾分享自己的湊女經，引起全場共鳴，氣氛熱鬧，場內洋溢着歡樂的笑聲。

湯怡受訪時坦言：“我自從生了小朋友之後，才知道每位媽媽都是萬能的，要陪食、陪瞓、陪玩，連着衫好不好睇都要樣樣兼顧，真係唔容易，不過亦樂在其中。（女兒‘麥QQ’好湊嗎？）囡囡性格似足爸爸，古靈精怪又好奇大膽，成日都郁身郁勢，冇時停！但如果着得唔舒服，她就會發忟憎。其實我經常同囡囡一齊着親子裝，感覺好溫馨。”