連詩雅明年出嫁否認有咗

無線《新春開運王》節目前晚錄影，陳煒（煒哥）、連詩雅(Shiga)、謝雪心、蔡國威、梁凱晴和陳定幫齊參與。煒哥今年榮升陳太，Shiga亦宣佈明年與男友陳家樂結婚，為娛樂圈增添喜氣。眾人合照時，煒哥輕輕掃了Shiga的肚一下，好像暗示對方有喜，但Shiga馬上否認。

準陳太Shiga被問到可有趁機請教師傅何時適合造人？Shiga笑言：“冇呀，我反而問事業，例如何時可以舉行演唱會等。師傅話我若果衝出香港更有機會。”被問到想先做陳太抑或先開個唱？Shiga即笑着表示，其實同一日舉行都可以考慮，把婚宴辦成演唱會咁，還可以賣票呢！

煒哥也表示：“師傅都有話我明年有機會衝出香港，並且是賺錢而不是旅行，名氣更有上升趨勢。（可捨得離開新婚老公？）咁衝少少囉，哈哈！”