榮華煌昌賽日可捧

今季賽事跑過近四個月，練馬師鄒欽華迄取四亞三季，馬房守齋已久未贏馬，現龍虎榜排名包尾。鄒廄開倉近三十載是老牌馬房，早年倉口擁逾三十駒，實力強盛。練者曾豢養不少明星馬，如“紅陽光”、“玩具勁”、“榮華富貴”、“易通錢”、“威多多”等，名噪一時。前駒更屬鎮倉寶，替馬房取得不少戰功。近年經濟不景，馬場環境有改變，眾多練馬單位愈玩愈縮，亦有練者自動棄牌。鄒廄連季養馬漸減，一年不如一年，今季只剩十一駒，倉口由大變細，賽事過了多月仍未開齋，可見練者搵食不易。幸好還有馬主力撐鄒廄，如“榮華”系馬，練者開倉至今一直支持，目前此系馬佔倉口接近半數，可見是其忠實“鐵粉”。鄒欽華練馬有功夫，更懂得賽馬是玩評分，部署夠忍耐力，調兵遣將頗有經驗辦法，戰駒雖多低班分子，但可在低班場合搵食，只要吼準時機便出擊，馬房開齋乃遲早事。

周六上演草地日馬，鄒廄派三駒出戰，第四場六班千五米“榮華煌昌”交蔡義武掛帥，值得看重。此駒屬低分馬，歷季共取五冠七亞兩季，計往績全組最醒，今仗身處六班有微利。上次沙地跑第三，馬匹表現回勇。“榮華煌昌”草地同程起家，此番轉戰千五米會合發揮，續由蔡義武操刀。此子近期迭有佳作，陣上拼勁十足，今挾“夠響贏瑪”爆完大冷餘威再來，接掌“榮華煌昌”帥印出擊，必拼盡方休，賽日可捧一票。