馮允謙大讚姚焯菲有潛質

昨日，馮允謙(Jay)與姚焯菲(Chantel)一起出席商演活動，獲得不少粉絲到場支持。

Chantel受訪時表示，自己一直好想與Jay合唱，但可惜未有機會。她坦言：“我早前聽過Jay與冼靖峰合唱，真係好好聽，聽到我起晒雞皮。（可想Jay幫你寫歌？）我當然好想啦，最好係R&B的歌曲。”身旁的Jay則表示：“我覺得Chantel較為適合唱慢版R&B。（可想二人合唱？）我當然也想合唱，但等我寫了首歌，Chantel收咗貨先。不過，我自己啲歌都未寫好。”

另外，Jay大讚Chantel在唱歌方面十分有潛質，並笑言：“Chantel外表成熟，一啲都唔似十六歲，更好難想像她前年參加《聲夢傳奇》時只得十四歲。”

聖誕節快到，Jay透露家人及女友都不會在港陪他慶祝佳節，而他在這個假期中亦要演出音樂會，在工作中度聖誕。