炎明熹否認囂張耍大牌

昨日，炎明熹(Gigi)出席慈善活動《炎明熹好想約你～做善事》，為香港認知障礙症協會籌款。

記者提議Gigi可以拍賣私人物品義賣籌款，她表示：“其實，我都儲有好多公仔，大多數係親友送給我的，可謂由細陪到我大。但我係個好難做到斷捨離的人，一般都唔捨得唔要它們，我更會攬住這些公仔瞓覺。（啲公仔咪有你嘅口水？）唔會，我有拎去洗的，一定唔會有我嘅口水，哈哈！”

談到日前網上有短片指Gigi走紅後耍大牌，要助手幫她移開摺椅開路，她無奈地說：“希望唔鍾意我的人也不要對我作出人身攻擊，我只係升斗市民，只是一粒微塵，並冇耍大牌，囂張也只會出現喺我的歌曲《焰》之中，同我嘅性格完全相反。”