自嘲年紀大機器壞

蘭子嘆五十肩富貴包樣樣齊

陳淑蘭（蘭子）與邵珮詩，前日到尖沙嘴為活動擔任模特兒，蘇志威偕同太太劉小慧前來睇騷。蘭子表示久未有行天橋，加上最近膝蓋關節炎及軟組織退化，早前更要注射骨膠原，故昨日要穿上三吋高跟鞋行天橋都有點擔心。幸好，最後都順利完成。年逾五十的蘭子自嘲年紀大機器壞：“五十肩、富貴包又嚟，唔到自己唔認老。”

現時只返電台主持節目的蘭子，表示已經很久沒有拍電影，她又說：“十年前拍電影已做鄭秀文阿媽，而家可能要做阿嫲，但我不介意。”聖誕節將至，蘭子表示九十六歲的媽媽於今年五月離世，故今個聖誕不打算出外旅行及慶祝。她說﹕“媽媽去年年廿八入院，拖咗好耐，我好擔心，成年都為咗咁而頻撲。二○二二年係好煎熬嘅 一年，好矛盾，見佢老人家好受苦，真係好唔捨得。一方面不想媽咪受苦，但另一方面又唔捨得佢離開。因為由細到大，媽咪都好錫我、好遷就我。以前曾發夢媽咪死咗，我大喊一場。今年就終於發生咗，好彩身邊有好多朋友陪我度過難關。”

早前，邵珮詩默認與處境劇《愛 · 回家開心速遞》中的“書蟲”林浩文四年情結束。邵珮詩表示，一年之中最重視聖誕節，因為家人都不在香港，她希望有多些朋友邀請慶祝聖誕，或有多些工作。被記者問到有沒有男生約去街，她說：“冇，對男仔來說可能會覺得同我有距離感，我要多啲出去派對認識朋友。因我平時好少出街，都係宅女。”問到她多久沒有拍拖時，她就以“唔知”來避談，又稱以前希望三十歲結婚，但現在已經放棄，順其自然。