劉偉強：《無間道》升級重映似嫁女

劉偉強和麥兆輝執導的經典電影《無間道》上映二十周年，寰亞電影用4K數碼復修和杜比全景聲環迴技術升級，定於首部曲開畫的同一天，即下周一本月十二號重映《無間道》、《無間道Ⅱ》及《無間道Ⅲ終極無間》。影片日前上映優先場，劉偉強導演驚喜現身，與首批在戲院欣賞完的觀眾見面。現場除了《無間道》的忠粉，亦有不少音響發燒友，劉導形容心情似“嫁女”。

劉偉強說：“二十年前拍攝《無間道》好似生仔，今次就好似嫁女，好開心。二十年後重新修復和重新上映，真係好開心。（邊一個場景特別期待修復後在戲院睇？）無喎，因為每一個場景都好特別。”有觀眾問點解當年揀蔡琴的歌《被遺忘的時光》，劉導說：“好多年前我哋玩音響嘅人，都會攞呢隻碟嚟試機，當然首先因為蔡琴嘅歌聲好靚，而且佢呢張碟嘅質素好高。當我知道要拍一場劉德華同梁朝偉，喺HiFi舖相遇嘅場景，我專登去搵一首歌放喺呢場。其實連歌詞都好配合到佢兩個人戲裏面嘅身份。當時好多人都唔知道，呢首歌將會走紅，影響咁深遠。”劉導又透露明年將推出《無間道》電影系列的4K 藍光版。