盛通快馬贏面高

澳馬今午上演五場沙地兼轉播十場馬來西亞賽事，外地馬一點半開跑，本地馬兩點十五分響鑼。練者劉志森高掛免戰牌，騎師續由上仗原班人馬參賽。綜觀大局，各場出馬不多，但編排緊湊，暗湧重重，尤其七駒角逐場合暗藏殺機，隨時熱倒冷爆，投注要執生。

筆者心水推介，第四場三四班一○五○米，林宏基廄“盛通快馬”可做馬膽。此駒上仗一三五○米無功，敗後換人再戰。用高君濤配搭堅強，遇同組對手不多，應有取勝機會。

“盛通快馬”上季沙地兩捷，可見場地性能適應。今季休出跑同程殺入三甲，上仗敗後重新打磨，今次復配高君濤再戰擺明有計。此駒外地拼搏不多，實力未用盡，季內料有進步空間。此番操足搏殺，轉跑短途尤合發揮，出閘搶先帶頭，贏面高於一切。