張達明康復路上感謝發哥

張達明為保健產品擔任代言人，拍攝廣告期間憶述對抗頑疾經歷，大方分享復康經歷，務求鍛煉體魄迎接美麗的人生下半場！達明一一年不幸確診頑疾，經歷長達七年的抗病之路後成功戰勝病魔。可是頑疾仍為他帶來不少“手尾”需要跟進。他坦言患病前飲食作息不規律，無論食量與酒量都未有加以節制，所以現在康復後， “控制飲食”是不可或缺的。他說：“依家飲食清淡，唔會食咁多冷飯菜汁，以前我有咁多就食咁多，飲酒又飲好多，依家唔會咁做喇！”

經歷人生巨變後，“戒甩”了酒肉朋友，留下來的就是患難見真情的知心友。達明點名感激周潤發與鮑起靜，令他“跑”出不一樣的人生節奏，讓他堅持運動。“最初係發哥帶我去跑步，佢好鼓勵我做多啲運動。至於鮑姐仲叻，年紀雖然大過我，但跑得比我快好多，速度同距離都勁好多。”達明表示即使近年受疫情影響，仍然風雨不改清晨起床練跑：“以前會五點起身一大班人去好遠嘅地方跑，但疫情後難啲跟大隊跑，所以我會唔使咁早起身，六點左右揀啲近嘅地方跑，一直都有堅持，見到自己有少少運動成果，有另一番成就感。”