獲十五項提名視帝大熱

陳山聰開心又驚訝

昨日，台慶劇《超能使者》舉行宣傳活動，陳山聰、陳展鵬、劉穎鏇、劉佩玥、林子善及伍樂怡等齊出席。由於該劇在台慶頒獎禮有二十項提名，眾演員即場向現場觀眾拉票。獲十五個提名的陳山聰，成為視帝大熱門。連大熱門之一的陳展鵬，也自爆投了山聰一票。

陳山聰今年演藝事業取得很好的成績，無線台慶頒獎禮中，他更一人獲十五項提名，被指是今年視帝的頂頭大熱。容光煥發的他受訪時，笑言今年有十五個提名，絕對是個人紀錄，相信自己以後都好難打破。對於被視為視帝大熱門，山聰表示：“可以用開心又驚訝來形容現在的心情，要將提名名單鑲起，待囝囝大了可以看到他爸爸都叻過的，哈哈。（《超能使者》及《十八年後的終極告白2.0》兩劇你都冇視帝提名，可會有點失望？）有時多都冇用的，太多的話都唔知投邊個。其實有份提名已經好開心，而且有提名都唔一定會贏，總之一切交畀投票的觀眾來決定啦。”

亦是視帝大熱門的陳展鵬，都表示會投山聰一票。問他視后會投鮑起靜抑或江美儀？他笑言：“兩個都做得好到位，各有各好啦！鮑姐與林敏驄嘅母子情好貼地。咁啦，擴大啲範圍，視后我投鮑姐、江美儀及唐詩詠，視帝就投陳山聰、袁偉豪及我自己。（你以往好少投自己？）老婆話好多親友同粉絲都話投咗我一票，如果我唔投自己，驚辜負咗大家。”

在《超能使者》中，劉穎鏇主動追求陳山聰，現實中她又可有試過主動追男仔？她笑言冇試過，“可能自己比較怕醜啦！（可知山聰睇好你有機會奪得飛躍進步女藝員獎？）其實有得提名我已經好開心，我當自己已經攞咗獎啦，哈哈！”