兩牌仔猶勝大師傅

上周五沙地夜賽，牌仔騎師打爭氣波。劉傲、特蘇日兩人共擸走三W，成績猶勝大師傅。劉傲先勝譚廄“嘉應掌聲”，此子上次首度接手馬匹出戰無功，今次試過再來已掌握馬性，陣上發揮水準，埋門勇挫張志立“頂峰神驅”，人馬演出悅目。“嘉應掌聲”上季沙地摘取三W，今季連敗多場減分回氣。今次牌仔搏殺手到拿來，由此可見馬匹跑沙地實力雄厚，今季能保持作戰狀態料還有頭馬見面。浩廄“聲明鵲喜”亦首交劉傲出戰，此駒今季轉投浩廄連仗未贏，最叻跑過一次位置。今次起用牌仔減磅出擊，埋門一步以短頭位險勝梁曉傳“耀昌大師”，取得一口孖寶進帳並替馬房建功。“聲明鵲起”轉投浩廄亦贏馬交代，騎、練合作愉快。劉傲上季末才出賽，今季愈騎愈進步。現累計六W排名第四位，成績扳升。季內倘保持戰意，憑減磅優勢賽至埋尾打入龍虎榜三甲唔奇。

特蘇日騎錢廄“馬主聯盟”勁爆二十七倍冷W。此駒一向以中長途為最佳出路。今次跑短途有突破，出閘反應夠快，三扒兩撥搶放在前守住三四位，入直路發揮強勁衝刺挫敗對手，表現神來之作。“馬主聯盟”贏來令人刮目相看，日後出戰沙草地俱不能輕視。特蘇日今季曾連番墮馬多次缺陣未開餬，今次憑“馬主聯盟”打破齋砵，賽後多謝師父錢健明供馬搏殺。此位十磅仔季內繼續可替馬房爭功。