如願任台慶司儀

蔡國威黃建東領獎激動

無線節目《全能司儀選拔大賽2022》前晚播出決賽，邀來鄭丹瑞（旦哥）、森美及阮兆祥擔任評判。經過多輪激戰，蔡國威及黃建東以優異表現勝出，成功奪得台慶夜兩個司儀的席位，當中黃建東在中場評核期間更獲得最高分，可謂由頭帶到尾。

蔡國威和黃建東在五強對決時，可謂過五關斬六將，首先在主持不同類型模擬直播節目時，要面對林盛斌 (Bob)及陸浩明 (6號)的騷擾。其中蔡國威主持港姐競選時，面對的突發情況是有佳麗突然嬲爆離場，他見狀即衝出去捉回對方上台，表示：“雖然你輸咗，但我哋有《香港小姐再競選》，你得到呢張入場券喇，恭喜晒！”盡顯急才。至於黃建東主持慈善節目時，面對的“突發狀況”先後有搞錯捐贈者、善款數字出錯及搶咪事件等，不過出名轉數快的他一一順利化解。

二人憑藉出色表現順理成章殺入四強，與王鎮泉（泉叔）及吳紫韻齊齊接受最終考驗——評述足球賽事及賽馬。負責評述賽馬的蔡國威威展現神級口速，除了節奏感十足，又以馬名搞Gag炒熱氣氛，獲評判大讚。負責講波的黃建東則以“十九歲”、“小鮮肉”等字眼出奇制勝贏得評判青睞。二人最終以大熱姿態勝出。

對於終能如願升呢當台慶司儀，二人表現激動，哭到眼紅紅的蔡國威領獎時更激動地表示：“呢個獎我等咗廿六年，攞到獎之後想話畀自己知，原來我真係得嘅！”之後受訪時，他坦言領獎時心情激動，皆因想起亡父：“希望天上嘅爸爸可以見到，雖然好似太遲，但遲到好過冇到。”

黃建東則興奮大叫：“今次台慶唔使企最尾嗰排喇，好耐冇試過喺TVB攞獎，對上一次已經係十一年前嘅香港先生。今次呢個比賽贏到自信同埋被認同，希望唔使再搲撈！”