張敬軒三年來首坐飛機

《張敬軒演唱會》將於十二月二十至一月二日於灣仔會議展覽中心舉行十場演出。唱會海報在飛機上拍攝，三年沒有坐上過飛機，無論軒仔及工作人員上到機都非常開心及懷念，軒仔笑言有種“陌生感覺”。今次旅程，從紅館飛到灣仔會議展覽中心，軒仔笑道：“係呀，我今次飛灣仔，交通好方便，因為有東鐵線，哈哈。我之前做完廿六場二十周年演唱會，歌迷話我仲有好多歌未唱，仲想聽，所以見時間又ok，好多方面都配合到，就決定不如一齊為這個二十周年寫上一個完美句號。”

今次以三面台演出，軒仔謂已經好幾年沒有做過三面台，非常有新鮮感：“今次我們好大製作、好重本。首先在音響方面，保證每一個觀眾會有聽覺上最高享受，另外視覺上都會好靚，聖誕新年是開心日子，所以成個騷不會似上一次咁heavy，會歡樂好多。另外一定不會淨係唱Side Track，雖然好多歌迷話好多Side Track想聽，但係今次係重遊廿周年的歌，所以經典的好聽的都會唱。”