劉永康重掌豪廄帥印

上周六賽事謝偉豪廄“白龍駒”交華將劉永康主轡，無功而回。此駒成冷門落敗唔奇，但騎者逾半年無騎豪廄馬出戰，期間圈中人猜測騎練已拆夥。上仗兩人重新合作，由此可見，馬圈只有互利互惠，並無永遠敵人。

前季謝偉豪同劉永康拍檔如膠似漆，合作天衣無縫。該季豪廄取十八W，成績近年最佳，當中十三W由劉永康主轡，可見騎者成馬房主帥。上季初劉永康替豪廄勝出“天行大師”及“德輝興旺”後，十二月騎完“西門吹雪”騎練再無交易。到底所為何事，局外人難明。劉永康本地華將老大哥，從騎逾三十年。此子是已故練馬師吳志林得意門徒，憑藉騎功根基打得好，現屆五十之齡，表現不遜年輕同儕，無論長短途或留前鬥後俱有一手。今季開齋馬“康泰吉祥”贏來頗見功夫，反映寶刀未老。劉永康季內倘重獲豪廄器重，料騎練又可擦出火花來。

周六賽期將至，今仗跑五場沙地賽，謝偉豪提供兩駒予劉永康出戰，值得留意。頭場未勝出馬一○五○米，“黃金戰士”四歲馬台型不俗，本身潛力未露，在澳由六月開始操練，多月來打磨功夫循序漸進，教閘、彈閘功夫做到足，上周二試閘跑第三，馬匹沙地走勢不差。今番操好而來，幕後用劉永康操刀，此駒賽前由騎者一手試閘，料人馬會合拍。“黃金戰士”劉永康重掌豪廄帥印出擊，遇同組對手多似是而非，人馬拼盡可爭功。