陳瀅大爆被女星篤背脊

陳瀅日前接受林柏希節目《月傾會》訪問，為新劇《美麗戰場》宣傳。有網民指無線五大花旦有陳瀅、蔡思貝、湯洛雯、龔嘉欣和高海寧，她又會如何排位？陳瀅說：“第一一定是思貝啦，因為她兩年前已是視后，之後是龔嘉欣、高Ling、阿湯，我自己最尾！（有親眼見過或者聽過女藝人用不同手段上位嗎？）有個眼紅我嘅女藝人，上了某個阿姐（高層）的房篤我背脊，哭訴點解成日用遲到又唔係咁好嘅我拍劇都唔用佢，最後傳返我耳中囉。我覺得好多人都好錫我，知道真正嘅我係點樣嘅！”

講到緋聞男友，方力申、周嘉洛同羅天宇中如果要選老公、男朋友同一夜情對象，陳瀅會點揀？她笑言：“一夜情一定揀朱敏瀚，因為對方操得好弗。男朋友我諗會揀嘉洛，因為佢好多嘢講、好調皮，好有活力；老公，我會揀羅天宇，因為佢好專一、好乖！（點解冇選方力申？）我覺得同佢唔會好夾，因為佢好大男人！（可有人向你開過飯局價、最貴開價幾多？）我會交畀經理人去回應，不過也有人開過七位數字飯局價，但經理人不會理會對方。”