鄭伊健下月紅館唱六場

鄭伊健將於下月廿一至廿四日、廿六至廿七日，在紅館舉行六場“Here & Now Ekin In Concert 2022”演唱會，粉絲除了撲飛去紅館睇騷，還可以搶先在本周日晚上九時，透過全港逾三十間媒體Facebook專頁欣賞他在“Media Asia X Highlighter Music Gig Online”中的演出，同粉絲一齊練歌，為個唱熱身。為拍攝這個演唱會前的熱身節目，當日伊健提早抵達現場，為了聽幾位實力非凡的小師弟妹表演。

事後伊健對他們說：“我早啲嚟係想聽你哋唱歌，我聽得好開心，好似睇緊演唱會。剛才我仲同Feanna和Cloud合唱，其實開過咁多次演唱會，從來都冇機會唱呢首歌，今日係第一次。之前我哋一齊拍咗套電影《深宵閃避球》，大家有咗默契，所以我專登揀呢首歌一齊唱，至於咩歌要大家估吓先！”音樂會尾聲，幾位師弟師妹向伊健送上寫上“一生幸福”的日本清酒，預祝他十一月紅館演唱會成功。