陳豪與老婆同劇唔習慣

陳豪、孔德賢、阮嘉敏日前出席保健品牌活動，分享健康心得。陳豪透露與太太陳茵媺同樣注重飲食，不過他對健康的注重，竟然是源自張繼聰。他大讚太太對小朋友的飲食餐單、均衡營養做得非常出色。陳豪又說自從跟張繼聰合作拍劇集《誇世代》時：“當時見到張繼聰練到一身肌肉，於是向佢請教，自己開始做gym，但方法及飲食全部都唔正確，經佢介紹後，再次健身，原來想要再大啲嘅肌肉，除咗研究健身方向，要再注重飲食、餐單配合，亦因為咁開始注重營養問題，就係呢一個開始，引起自己對健身、對心臟健康、內臟健康嘅注重。”

陳豪正跟太太陳茵媺合作為新劇《羅密歐與祝英台》開工，相隔多年再跟太太同劇，他笑言有點“唔舒服”：“未試過用演戲身份對待大家，就算《天梯》時合作都唔係直接對手，未試過銀幕上面對呢種角色，呢種相處，我哋都要適應吓，但都OK嘅！”陳茵媺闊別熒幕十年，他說太太亦有不習慣：“今次佢嘅挑戰好大，十年冇拍劇、好多劇本、好多rundown、好多對白需要出力記，另外同我一齊拍，亦係一個挑戰。”