馬主聯盟可建奇功

新馬季開鑼後有多位騎師缺陣，包括余健雄、呂韋勒及林凱。據聞後者上季墮馬致腿部骨折頗嚴重，目前仍在休養，暫不能再操其策騎生涯。開季後缺少上述幾位騎者，令人手買少見少。本周日賽事將屆，今期騎師共有十三人，若編跑十至十二匹馬，總算可應付。

劉傲屬賀廄見習生，上季開始上陣，出賽十一次獲一席亞軍。新牌仔騎功較稚嫩，但有減十磅優惠，只要汲取多些實戰經驗，日後會有作為。賀廄今季得此十磅仔助戰，對馬房爭功有幫助。開季後賀廄出賽馬不多，馬房今季慢熱，練者謀定而動，待跑過幾次賽事才郁手。反觀華人倉口積極搶攻，錢健明廄開鑼賽先拔頭籌，當日摘取兩捷，上仗又憑“黑色魅力”張志立再建一功，練者季初以三W排榜首，此對廄中人而言倍添信心。錢廄連季規模頗大，養馬曾逾四十駒。練者開倉後亦兩奪冠軍，上季本有衛冕機會，因季尾馬房鬧兵變，致實力削弱，最終只屈居亞軍。但廄主無氣餒，開季積極進取冀今季再向冠軍出發。

周日草地賽今午排位，錢廄多駒列陣，當中不乏精品。旗下“馬主聯盟”跑二三班千五米，值得吼緊。此駒上季尾張志立操刀，該仗沙地贏至對手無力招架，人馬表現合拍。上季服役頭兩次無功而回，及後六戰取四勝兩位，演出水準穩定。此駒沙地醒神，草地亦拿手好戲。馬匹耐拼且跑極都有，練者對此駒保養得宜。“馬主聯盟”唞暑後重新打磨，月內晨操例課無缺，休後狀態回升，已具作戰水準。今仗跑千五米屬強項出擊，料新季初出可建奇功。