鄭俊弘開心分享湊仔經

今年六月鄭俊弘(Fred)升格當上新手奶爸，老婆何雁詩為他誕下囝囝Asher Douglas。他昨日出席慈善活動時，開心地與大家分享他的湊仔生活，坦言返工時都唔捨得離開囝囝和老婆。

Fred受訪時表示：“我正忙於拍新劇《再見 · 枕邊人》，出席完今日的活動後，又要趕返劇組，估計好夜先收工，所以一有空檔，就會開視像睇吓囝囝；（老婆可會呷醋？）唔會，我都有睇太太，我唔會忽略他們其中一方。（囝囝是否已滿百日？）係，但因為疫情，我們都冇舉辦百日宴，但與家人有一齊吃飯慶祝。（可想追多個女湊成個‘好’字？）當然生多個女最好啦，不過，生仔生女都會好開心。其實，我同太太都計劃過，會過一兩年才追多個，家中長輩都表示支持和期待。（當上新手奶爸心情如何？）生仔前好擔心，但生完之後就好開心！”