無奈成嫌疑人

呂慧儀否認爆粗鬧陳思圻

昨日，《愛 · 回家之開心速遞》演員劉丹、羅樂林、呂慧儀、蘇韻姿、林淑敏、許家傑及阮政峰等出席該劇的宣傳活動，眾人現場炮製野餐美食，人多勢眾，場面十分熱鬧。

呂慧儀和蘇韻姿都是港姐出身，談到新一屆港姐明晚將在紅館誕生時，二人都表示會到場欣賞。呂慧儀表示：“我當年參選港姐時都在紅館舉行決賽的，（可會以性感裝扮與師妹們爭妍鬥麗？）不會了，因為蟹籽（兒子）會看到，現在沒有得他批准，我都不可以穿得太性感。港姐給人高貴形象，近日我都要收心養性變回淑女。（可有留意監警會委員公開批評港姐泳裝‘少布到不得了’？）咁多年現在先講？我就唔覺得港姐泳衣好少布，其實着泳裝係展現女性體態美，唔着泳衣着乜？反而心態最重要，希望大家都向好的一面去睇啦。”

談到已離開《愛 · 回家》的“細龍太”陳思圻（前名陳偉琪）近日爆料，指拍該劇時曾被前輩用粗口罵，而呂慧儀是該劇的“老臣子”，亦算係陳思圻的前輩，成了嫌疑人之一，她無奈地表示：“我自己就冇聽過，都唔知佢講邊個前輩，點解唔開名？我自己只會喺劇中鬧人，因為每個演員都有情緒，但將情緒帶入套劇就會影響表現，所以我盡量都唔會咁做。”

蘇韻姿最近參與真人騷綜藝節目《好聲好戲》，她更以好成績與袁文傑和樊亦敏齊齊殺入決賽。談到他們三人都是《愛 · 回家》演員，她笑言：“係囉，好似我哋一齊騎劫咗呢這個節目咁，真係唔好意思，但都希望大家會捧場，睇吓我哋除咗演戲之外嘅其他一面。”

“大小姐”林淑敏最近在《愛 · 回家》扮嘢扮上癮，繼日前一集重演經典電影《賭神》中的菊子搖骰仔被讚扮得好似之後，她昨日透露又會再扮嘢：“我稍後會扮《我和殭屍有個約會》的“馬小玲”萬綺雯，不過我係‘老小玲’，哈哈。我有問過監製可唔可以拍得我雙腳長啲，但佢話唔使，因為我點扮都唔會似。”