李思捷再扮四大天王

無線遊戲節目《思家大戰》昨晚播新一集，本集嘉賓有路芙率領的“九唔搭八”隊，及鍾志光（鍾仔）率領的“足球吹水團”隊。

今集可說是主持李思捷與嘉賓口技大對決！“講波金句王”鍾仔應思捷要求，即興以講波Tone介紹隊友，生動之餘仲大玩押韻，聽得思捷作五體投地狀大嗌：“犀利！”之後思捷在路芙要求下，大曬馳名扮聲必殺技，“四大天王”劉德華、郭富城、黎明及張學友輪流上身大講：“周秀娜你今次仲唔贏？”還原電影《勁抽福祿壽》的經典對白，獲全場掌聲。

路芙提及自己在《勁抽》中飾演“周秀娜”時，又冷不提防爆出一句：“（我）係咪真係好靚？係咪似周秀娜呀？”殺思捷一個措手不及：“你……直情……周秀娜咁樣啦！”十分搞笑。