苦練功再上《好聲好戲》

袁偉豪飛躍進步滿分

無線聲演真人騷《好聲好戲》，昨晚一集由袁偉豪(Ben)夥拍好友葉泓聲，聲演《創世紀》經典衝突場口，阿Ben經黃鳳英悉心培訓後，有顯著飛躍，除了神還原陳錦鴻“公平咩”神韻，就連聲線亦跟陳錦鴻完美融合，最終獲得十一盞綠燈滿分成績，一吐上周連環失利烏氣。

黃鳳英大讚愛徒：“Good，太似錦鴻喇。”其他評判亦爭住畀Like：“層次好出，愈睇愈緊張，愈睇愈投入”、“睇到唞唔到氣”、“太好喇做得，我做咗你粉絲”。其實阿Ben為了今個回合下了不少心機，主持阮兆祥補充：“Ben全程望住條片配音（唔使望對白），對白已經記晒入腦，足見佢用咗好多時間準備。”

完成比賽後，三位主席評判和導師天生哥及鳳英姐，一同退席商討賽果，表現出色兼由頭帶到尾的蘇韻姿(Andrea)獲得一致好評，阿姐大讚：“佢同阮政峰好有喜劇感，連個對手都揀得好，鬼妹都可以配得好好！”天生哥更直豎拇指謂：“佢唔只一條好，幾條都咁好，拿捏得非常好。”上周完美倒模陳法蓉的姜麗文亦得到不少好評，阿姐說：“佢好聰明，進步得好快，同埋佢好喜歡模仿，呢樣好緊要。”黃鳳英亦讚道：“佢話當嚟一個Party，完全冇包袱，好開心同盡咗力，呢個出發點好好。”至於戴耀明及Ben則被指揀錯參賽片段。

最終Andrea毫無懸念成為首輪出線者，她分別獲得專業評判的一票、兩位導師的一票及三位主席評判各一票，一人包攬全數五票，可謂眾望所歸。今晚播出的第五集輪到第二輪參賽者出場，包括樊亦敏、黃嘉樂、吳幸美及黃智賢。

此外，一班專業配音員昨晚繼續大晒功架，輪流示範聲演參賽者過往作品。曾為動畫《多啦A夢》“野比大雄”配音的陸惠玲，聲演姜麗文在《星空下的仁醫》爆喊戲，精湛演出令大家睇到目瞪口呆。