耀昌之星有力捧盃

今日上演黃昏馬。跑完今次賽事，馬季進入倒數階段，尚餘四次便煞科。練者錢健明及馮耀正上周五晚同勝兩場，頭馬數字再打成平手，今屆冠軍仍未知鹿死誰手。今仗此兩廄各有精品列陣，值得細心推敲。此外，史偉恩廄亦屯重兵，馬房擺明搏殺。

史偉恩是仗佈強陣，全日八駒應戰，旗下鎮倉寶“耀昌之星”上仗只跑第三，敗得令有點人失望。但跑馬無長勝將軍。拼後休養生息再來，今仗跑盃賽，練者要替牠重振雄風，馬迷可吼緊。

第一場：三、四歲馬千二米。“力奇神駿”上次同程後上第三，直路姍姍來遲，但馬匹走勢仍佳。拼後小休再來，今次原程出擊，抽到一檔更有利。換上徐錦輝操刀配搭亦不弱，憑路合檔佳，可替馬匹勝回一仗。

第三場：“主席挑戰盃”一級賽千二米。“耀昌之星”上仗同程只跑季軍，大熱門敗得無奈。拼後唞足逾四個月再來，今番平磅作賽佔盡優勢。“耀昌之星”有前有後，續由中野省吾主轡配搭完整。騎者發揮水準，有力捧盃。

第八場：三四班千八米。“耀昌之威”質新馬能跟可鬥，季內一輪拼搏後，練者部署馬匹回氣再用。“耀昌之威”上仗同程得第三，馬匹走勢回勇，拼後重整旗鼓再來，續由徐錦輝操刀人馬夾檔。此駒跑長途氣量充沛，遇同組對手不多，有權一網打盡。