韓馬利維繫婚姻之道

姻緣從天降。友人茶敘，說到當年港產佳麗韓馬利，“盯上”燕趙大漢杜燕歌，晚晚通長途電話。杜燕歌雖是香港藝人，但早已移居澳洲經營飲食生意。“長途電話費好貴，不如畀張機票你過來玩啦，你未來過澳洲。”千里姻緣果然一（電話）線牽。卻原來，雙方真愛，都付出犧牲的——

杜燕歌澳洲的餐館生意滔滔，夫妻見面時間很少。過慣香港忙碌生活的韓馬利，每天只等着老公回來開飯，感到孤寂，更似一身演藝付諸東流……“不如返香港！”杜燕歌一窒，這要付出很大犧牲，剛剛買了樓，好靚口架，正在裝修……“既然老婆有此想法，無所謂。”好！結束澳洲所有生意，賣晒啲車，賣咗層樓，同老婆返香港。韓馬利非常感動，“老公同我講：如果真係唔鍾意呢度，我同你返香港。佢話，到我哋老咗，真係要退休時，再返來澳洲。”嘩，遷就老婆意願，這個老公事業都可以放棄。

三年前，韓馬利於社交網自爆，患了腦膜炎，徘徊生死邊緣。電台受訪時坦言——大病救了其“邊緣婚姻”。與配音員老公杜燕歌結婚三十載的她，感激對方付出無微不至的愛。她自認工作狂，“經常以工作行先，甚至佢病咗，我都趕住返工，從來冇了解佢嘅感受……大病後，我哋坦誠傾咗好多嘢。老公話，佢似一本書，放喺我床頭，但三十年都冇睇過，佢好想我仔細去睇吓。佢好難過，我亦好內疚，感恩有呢場病，令我醒覺去彌補。現在，萬事以老公為先。”

九十年代，北上成潮；八十年代，南下藝人絕無僅有。北京出生並受教育的杜燕歌，來港參加歌賽得第一名，因國語歌不流行，轉入邵氏及TVB國語配音組，許多影帝視帝的國語，都出於他的口，有“話筒前影帝”之譽，是香港影視幕後的大功臣。

夫妻和順，他說靠不時望一下客廳的一首詩——甜甜酸，苦苦辣，遷遷就，忍忍讓。“靜一靜，唔好追得咁緊。”

高 梁