連詩雅婚期未定唔同居

連詩雅(Shiga)昨日出席商場暑期活動揭幕禮，她與陳家樂早前宣佈訂婚，被問到可希望盡快做媽媽？她說：“唔會咁快啦，因為婚期都未定。處理婚禮亦需要好多精力，我見到朋友處理婚禮時仲會有磨擦。”

Shiga透露未婚夫陳家樂最近返到內地拍戲搵老婆本，預計逗留兩三個月，她要擔起“母職”到男友家中照顧其愛犬，兩人靠手機視像保持見面。她說：“唔係第一次要分隔兩地，平時大家都會約埋一齊視像食飯或者一齊同步睇戲。”笑問兩人可會相約“鴛鴦戲水”？她說：“梗係唔會啦！拎住個電話去沖涼，呢個網絡世界除咗對方，唔知會有幾多百萬人會從大氣電波中睇到，所以真係好危險的，唔好咁做喇。”

被問到可會同居試婚以減少婚後的生活磨擦？連詩雅說：“好多人都唔信我咁多年來都冇同居過，我媽咪得我一個女，唔鍾意我結婚之前同居。但媽咪都係一個好開明的人，情侶之間去對方屋企或者旅行，佢都會理解，但係一齊住就唔得。”