柏檔明駿 坐位望贏

澳馬跑埋今次本季賽事尚餘三個月。踏入季尾，練者冠軍之爭形勢緊湊，錢健明、馮耀正兩廄頭馬未計周五只差三場，今屆冠軍鹿死誰手，料季尾會有激鬥。

騎師之爭高君濤頭馬大幅拋開對手，已揸住半隻冠軍盃耳。張志立暫取三十五W，料“二哥”地位穩固。反而第三名之爭較緊湊，梁曉傳同中野省吾頭馬只差一場，前者今起停賽，後者要趁機發圍。中野省吾近期有鬥志，上仗爆出“保臣”手風正順，今日五駒應戰，座騎實力不弱，倘交出水準起孖唔奇。

第二場：四班千五米。“伯樂汪洋”上仗中野省吾同程跑第五，看表現似無心攻堅。拼後小休重來，今次原程續戰抽得一檔形勢有利。此駒前後兼具，續跑千五米尤合發揮，憑中野省吾駕輕就熟，可替馬匹勝回一仗。

第三場：二班千五米。“柏檔明駿”近期連番飲恨第二，始終未能得勝，有點欠運。此駒能跟能鬥，跑千二至千五米最佳出路。拼後小休又來，續由中野省吾掛帥人馬夾檔。今次遇同組對手多不穩分子，坐位望贏“無甩拖”。

第四場：三四班千二米。“力奇神箭”上仗同程拼得第二，人馬表現夾檔。拼後小休再磨，今仗續跑短途正合脾胃。此駒質新當起，今再交中野省吾操刀，騎者駕輕就熟易發揮。憑一檔好位相助，出閘放順可帶返取勝。