代代平安機會來臨

近日天氣不穩定，日前連場大雨，今日跑草地場地或會起變化，屆時揀馬要有兩手準備，對善跑淋地之駒宜另眼相看。

日將中野省吾季初排名次席，表現醒神。但季中演出飄忽，成績下跌。此子騎功其實唔差，陣上若肯拼搏，實力馬可交出水準來。中野省吾早排“當黑”贏馬亦被告甩，及後又犯天條被罰停賽多日。今仗復賽獲五駒出戰，料餓馬一輪必全力搏殺，欲捧騎師不妨留意此子。

第二場：四五班千二米。“代代平安”質新馬具潛力，跑千二米曾入位，可見路程適應。此駒近期走勢已見接近，拼後重新打磨再來，今於四五班混戰，形勢有利。“代代平安”復由中野省吾掛帥亦駕輕就熟，遇上同場對手平平無奇，開齋機會來臨。

第三場：一二班千二米。“幹細胞”季內跑同程曾擊敗馬王“耀昌之星”，可見具實力。上仗沙地全程搶放致敗，該仗騎者跑來全無章法，不足為據。拼後小休蓄火再戰，復爭千二米首本路程不同估計。復配中野省吾操刀配搭更強，欣逢路合班宜，不妨睇高一線。

第六場：三四班千五米。“伯樂汪洋”班底不弱，且善跑中距離。此駒季內評分已減，現居此組絕不吃虧。上仗徐錦輝跑同程得第二，馬匹表現明顯復甦。今仗回配中野省吾主轡戰鬥力更強，憑路合班宜，可擾亂大局。