羅允芝自認唔識做人

由謝茜嘉、RubberBand隊員六號、謝利、羅允芝(Giann)、林輝、陳韻行主持的香港開電視節目《旅遊達人2出走》，逢星期一至五晚上十時三十分播出。節目由主持人分別帶觀眾遊歷香港，Giann在本周節目中不僅接受演技考驗，坦言渴望以演員身份展現在觀眾面前。談到入行以來，感覺未有一樣事情做得好時，她更在鏡頭前淚崩，首揭樂天一面的背後。

Giann在節目中化身小公主遊歷主題公園，並接受製作組挑戰考演技。她說：“好想畀人睇到做演員的身份（想以演員身份示人？），因為做主持係做現實中的事，但做演員係需要好多幻想、想像力的職業，要透過自己的幻想畀觀眾睇到我的不同方面。”

除了接受演技考驗外，Giann更要挑戰膽量，邊玩機動遊戲邊講一句從來不敢講的說話，結果她在機動遊戲機上大叫：“Giann你係最正口架！”她解釋這番話的背後意義時，不禁感觸痛哭說：“深信自己性格上有正向部分，我不停（以呢句說話）提醒自己。因為由細到大，都唔覺得自己正，好似冇咩做得好。入行一段時間，由Model到主持、再到依家做演員，從來冇一件事係做得好，甚至做人都唔係真係做得好好。過往好怕人哋覺得我好差，所以由細到大同人相處時都會修飾唔好的地方，變得冇咁直接，已經唔識真誠對人。”