姜麗文為父慶母親節

人人有母親！母親節不是人人快樂的，剛出世時母親離婚，多年前辭世。姜麗文對母親的回憶，百般滋味……卻遇上一問：母親節怎樣慶祝？這非常低級烏龍的問題，出自智慧、美貌、學歷相當高的娛樂節目主持人——落選港姐、留學英國讀法律的“娛樂記者”。可見TVB娛樂新聞質素有多麼高？有多麼搞笑？

怎樣慶祝母親節？姜麗文張大口愕然道：“哈哈，我們家庭很怪！母親節其實為父親慶祝的。今年一家團聚，請爸爸到哥哥家中吃飯，我親自下廚煮好嘢……”

為秦沛慶祝母親節，因他父兼母職。“我親生媽媽在我一歲前已經走咗。”姜麗文母親節只談父親，“我對母親沒有感覺，唔係嬲。爸爸為了我兩兄妹可以一齊，將所有嘢畀晒佢（生母）。八六年，爸爸啱啱憑《癲佬正傳》贏咗金像男配角奬時，已經一貧如洗。爸爸為了養家，甚麼工作都接，我哋見證爸爸拍戲好辛苦。”

姜麗文表示，曾經睇住秦沛在高溫四十度下拍古裝戲，深深感受到父親的偉大。兄妹讀書或出來工作，都會更加努力。秦沛搵錢養家，經常與子女分隔港加兩地。“其實，佢係Long D爸爸，為工作飛來飛去。不過，佢會寫嘢和畫嘢畀我哋，覺得佢成日陪住我哋兩兄妹。”

將母親節獻給父親，禮物呢？從來不向父親伸手。“爸爸太勤力了，已經七十六歲，憑甚麼用佢多年積蓄呢。佢係應該用呢啲錢同我媽咪（繼母）享受二人世界，我到現在都未買過名牌，自己生存得到就冇問題。”姜麗文説，秦沛曾提議給她錢作置業首期，但她拒絕了。

“有母如沒母”的姜麗文，將父親也當母親，直表骨肉深恩，眞是靈氣逼人，演藝潛質漸露。這問題有驚幸轉為喜，娛樂節目主持人有失職之嫌的，起碼不做功課；應由編導負責督導甩漏。因為，主持人賴彥妤並不懶——兩個碩士學位，有“英國學霸”之稱，愛好滑水、畫畫，有八級鋼琴資格，內外兼備。這樣勤奮好材料，TVB怎樣訓練員工口架？

高梁