維港智慧再下一城

今日沙地賽出馬較多，形勢絕不單純，低班混戰場合暗藏殺機，賽果爆冷唔奇。高君濤上仗缺陣，騎師陣營群龍無首，牌仔及冷門一族趁機發圍，賽果連場爆冷。今仗高君濤復出，料餓馬一期必大打真軍。

高君濤季內少犯天條，陣上打茅波次數不多，算是較規距一位騎者。此子上仗停賽，捧場客似失去扶手棍。今日復出有重心，其五匹座騎有精品，拼盡可數餬，買馬跟紅頂白，不妨吼緊。

第二場：四班一五一○米。“世界精品”季內連敗減分，今次轉戰沙地毅然用高君濤操刀，幕後擺明要拼。此駒後勁強橫，但馬有懶性須硬功騎師輔助。今番擺大頭反映已有意出擊。所遇對手喎妥居多，冀憑高君濤功架可勝回一局。

第四場：三班一○五○米。“奧新旋風”上仗初出大熱死火，該仗全程同對手鬥燒，致末段無以為繼。敗後小休重新打磨，今次原配高君濤執韁，論配搭完整堅強。此駒前速銳利，跑沙地好腳法，今場快馬不多，憑人強馬壯，可復前失。

第五場：三四班一三五○米。“維港智慧”上仗短途輕鬆走返，實力還有大把在手，表現有長足進步。拼後重新備戰，論馬狀態有進。今次轉戰一三五○米，料長力可應付。

“維港智慧”質新未盡，現居此組作賽絕不吃虧，憑新勝氣勢出擊，有力再下一城。