新歌MV甜中有苦

陳卓賢化身黑馬王子

繼《留一天與你喘息》後，MIRROR成員陳卓賢(Ian) 前日推出二○二二年第二首派台作品《Got U》，是繼二○二○年《正式開始》、二○二一年《DWBF》後，又一首甜度爆錶的情歌。

Ian表示，跟《留一天與你喘息》相比，《Got U》是一直白情歌：“其實，《留一天與你喘息》我唔係好當佢係情歌，因為好多時候，擺喺唔同對象，好似朋友、家人、身邊所有人，甚至是寵物都啱用，但《Got U》就係好直白嘅甜蜜情歌，直接話畀對方聽，因為有你，所有問題都解決晒。”

Ian的新歌《Got U》歌詞甜到漏，但今次MV的故事卻十分傷感，講述女主角因患眼疾，與Ian甜蜜溫馨的幸福生活發生戀化。但Ian卻覺得導演構思了這個傷感的故事，十分合理。他說：“人生不如意事十常八九，剩返一二就係開心事，正正因為有傷感嘅事，當有令你好開心或者好難得嘅事情出現時，才特別顯得珍貴。而每一樣好開心嘅事嘅背後，都一定有好長篇嘅故事，所以這個MV的劇情好合理。”

在《Got U》MV中，為了呈現一對情侶的甜蜜溫馨畫面，Ian有機會首嘗騎馬的滋味。穿上黑色牛仔褸的他，騎上馬背即化身“黑馬王子”，型格帥氣兼備。Ian表示拍攝當日也騎得十分開心，瞬間變成大細路！他笑言：“第一次騎馬，好開心又好玩，希望以後MV都會有多啲唔同類型嘅活動！”其實拍攝當日正值暴風雨前夕，氣溫逾三十度，幸好Ian與女主角可以在天台的水池中玩樂，透心涼一番。至於另一場景，只見Ian手執咪高峰，與女主角在鏡頭前忘形高歌，不過MV中卻未有聽到Ian在唱甚麼，令粉絲即時猜想歌曲名字。Ian亦給予點提示，讓大家估一下：“我近期睇咗一套電影，裡面出現呢隻歌，當導演話要我唱一隻歌氹女主角開心時，我腦內第一時間就閃出呢隻歌，係一位我好敬佩嘅藝人前輩作品，所以第一時間就諗到，同時亦係向呢位前輩致敬。我好鍾意呢隻歌，細細個就聽 口架喇！”