鄭欣宜下月演唱會加場

鄭欣宜(Joyce)將於六月在紅館舉行演唱會，門票未開售已決定加開六月十日場次，由原定六月十一及十二日兩場，現加開至三場。因港府日前宣佈由五月十九日起可放寛表演場地觀眾入場人數限制，多得歌迷踴躍支持，主辦方宣佈新增四百八十元座位。昨早，Joyce得知演唱會未開售已獲加場，兼可增加入座率而開心到尖叫。

她笑言最初還以為在發夢：“勁開心，今朝收到通知時，首先好冷靜，未敢反應，未敢相信。係咪真嘅呢？因為當時仲喺被竇未起床，我係咪發緊夢呢？嘩，好開心呀，感激大家咁踴躍支持，覺得有少少威威囉！”Joyce感激歌迷支持：“增加門票數目，仲加多四百八十元座位，非常多謝歌迷踴躍支持，全靠你哋喺還未開始正式優先訂票，已喺網上有咁熱烈嘅反應，多謝大家！到時紅館見，我依家要繼續排舞！”