奧新旋風有望補中

周日跑沙地賽，今仗騎師陣容較完整，前領高君濤復出參戰。此子季內停賽次數不多，上仗無緣出賽捧場客如失扶手棍，牌仔及冷門騎師趁機發圍，致賽果連場爆冷。個別場合冷馬乘勢發圍，如“冠中冠”季內連場大敗，每次輸至無影，上次突如其來，八十倍冷門爆個不亦樂乎，此類“失魂馬”實在不易買中。周日五場沙地賽編排緊湊，形勢混亂，尤幸部分場次還有重心可尋，料賽果不會太亂籠，縱爆冷亦熱頭冷腳居多，投注不妨多加兼顧半冷門。高君濤領軍人物復出，餓馬一期料必盡砌，此子全日五匹座騎實力頗強，預計會有馬贏，值得重視。

第四場三班一○五○米。摩利高廄“奧新旋風”上仗在澳首戰插入三班，敗於“悠然望捌”腳下跑回第六，輸對手六個馬位。究其敗因，是馬匹全程拍實前駒鬥燒，因初出貫注力不足，末段未能及時回氣，埋門無以為繼，最終大熱死火。此役輸至投注者損手爛腳，“奧新旋風”初出慘遇滑鐵盧，令台前幕後無癮。敗後小休月餘重整旗鼓，今次做足工夫再來搏殺，續由高君濤掛帥已駕輕就熟，形勢逆轉。“奧新旋風”早熟馬在外地八戰獲一冠三亞一季，賽績不差。質新分子還未用盡，今遇同組對手不多，牌面勝人一籌，賽日有望補中。